Հայտնի է Դոնալդ Թրամփի երդմնակալության օրը

Միացյալ Նահանգների վերընտրված նախագահ Դոնալդ Թրամփի երդմնակալության արարողությունը տեղի կունենա 2025 թվականի հունվարի 20-ին Կապիտոլիումում․ տեղեկացնում է BBC-ն։

Երդմնակալության օրը Թրամփը երդվելու է, այնուհետև ելույթ կունենա: Նրա ելույթի պաշտոնական մասից հետո տեղի կունենան հանդիսավոր շքերթ և երդմնակալության պարահանդես: Հանդիսավոր միջոցառումներից հետո Դոնալդ Թրամփն իր տիկնոջ հետ, ինչպես նաև ընտրված փոխնախագահ Ջեյ Դի Վենսը կնոջ հետ կժամանեն Սպիտակ տուն, որտեղ նրանց կդիմավորեն գործող նախագահ Ջո Բայդենը և գործող փոխնախագահ Քամալա Հարիսը՝ իշխանությունը փոխանցելու համար: