Կոբախիձեն հույս է հայտնել, որ Ուկրաինայում պատերազմը շուտով կավարտվի
Ռուսաստանի և Ուկրաինայի միջև ռազմական գործողությունները շատ շուտով կավարտվեն, հայտարարել է Վրաստանի վարչապետ Իրակլի Կոբախիձեն՝ Ադրբեջանում լրագրողների հետ զրույցում։
«Մեզ անհրաժեշտ է հարաբերությունների որակական վերակառուցում ինչպես Եվրամիության, այնպես էլ Միացյալ Նահանգների հետ։ Շատ շուտով Ուկրաինայում պատերազմը կավարտվի, և բոլոր պայմանները կստեղծվեն Վրաստանի հարաբերությունները թե՛ ԵՄ-ի, թե՛ ԱՄՆ-ի հետ վերականգնելու համար»,- Կոբախիձեի խոսքերը մեջբերում է РИА Новости-ն։
