Ադրբեջանում անցկացվող կլիմայական համաժողովը մեծ առաջընթաց չի ունենա․ Bloomberg
Ադրբեջանն անմիջական իր հանածո վառելիքի արտադրությունը կրճատելու քիչ դրդապատճառներ և կլիմայական քաղաքականության առաջատարի սակավ փորձ ունի, գրել է Bloomberg-ը: Բնապահպանական քարոզարշավի մասնակիցները թերահավատ են, որ COP29-ը, որը բացվել է նոյեմբերի 11-ին Ադրբեջանի մայրաքաղաք Բաքվում, մեծ առաջընթաց է ունենալու գլոբալ տաքացումը դանդաղեցնելու հարցում:
Վերջին երկու տարվա եղանակային իրադարձություններն ընդգծում են մարտահրավերը, ջրհեղեղները, երաշտները և ջերմային ալիքները, որոնք ուժեղացել են կլիմայի փոփոխության պատճառով՝ աշխարհի գրեթե ոչ մի հատված անձեռնմխելի չթողնելով:
Նոյեմբերի 5-ի ԱՄՆ նախագահական ընտրություններում Դոնալդ Թրամփի հաղթանակը նշանակում է, որ ԱՄՆ-ն՝ Չինաստանից հետո աշխարհի երկրորդ խոշորագույն աղտոտողը, հավանաբար դուրս կգա կլիմայի գլոբալ համաձայնագրերից և կչեղարկի վերականգնվող էներգիան խրախուսող քաղաքականությունը:
COP29-ում ԱՄՆ թիմը ներկայացվելու Բայդենի վարչակազմի կողմից, և նրանց ստանձնած ցանկացած պարտավորություն հունվարին անտեսվելու վտանգի տակ է:
COP-ի նպատակն է նվազեցնել գազերի արտանետումները, ինչը նշանակում է կրճատել հանածո վառելիքի արտադրությունն ու սպառումը: Անցյալ տարվա COP-ի ժամանակ գլխավոր համաձայնությունն այն էր, որ երկրները «կհեռանան հանածո վառելիքից»: COP-ը հյուրընկալող Ադրբեջանի համար դա անելու ակնհայտ դրդապատճառներ չկան, քանի որ նրա նավթն ու գազը կազմում են իր արտահանման 95%-ը, և նրա առաջնորդները պլաններ ունեն ընդլայնելու գազի արդյունահանումը Եվրոպայում պահանջարկը բավարարելու համար:
