Իսրայելի հզոր ավիահարվածը ցնցել է Բեյրութի կենտրոնը․ կան զոհեր

Իսրայելական ավիահարվածի հետևանքով Բեյրութում առնվազն 4 մարդ է զոհվել․ հայտնում է Reuters գործակալությունը՝  հղում տալով Լիբանանի առողջապահության նախարարությանը:

Լիբանանի ազգային լրատվական գործակալությունը հաղորդել է, որ հարվածների հետևանքով ավերվել է 8–հարկանի շենք, կան զոհեր և վիրավորներ:

Ականատեսները պատմել  են գործակալությանը, որ պայթյունները ցնցել են մայրաքաղաքը առավոտյան ժամը 04:00-ի սահմաններում: Անվտանգության ոլորտի աղբյուրները հայտնել են, որ առնվազն չորս ռումբ է արձակվել: