Եվրահանձնաժողովը նախատեսում է կրճատել ամբողջ աշխարհում ԵՄ դեսպանատան աշխատակիցներին․ POLITICO
Եվրահանձնաժողովը պլանավորում է կտրուկ կրճատել իր դեսպանատներից շատերում աշխատող մարդկանց թիվը՝ համալրելու աշխատակազմն այն երկրներում, որտեղ կարծում է, որ դաշինքը ռազմավարական շահեր ունի, նշվել է POLITICO-ի կողմից ձեռք բերված փաստաթղթում:
Դա անհանգստություն է առաջացրել, որ Եվրամիությունը կկորցնի դիվանագիտական կշիռը այնպիսի տարածաշրջաններում, ինչպիսիք են Աֆրիկան և Լատինական Ամերիկան:
«Մենք կթողնենք փոքրիկ պատվիրակություն այնպիսի վայրերում, ինչպիսիք են Սուդանը կամ Նիգերը, ինչը պարզապես սխալ հաղորդագրություն է, հատկապես, երբ մենք ունենք ԱՄՆ վարչակազմ, որը, կարծես թե, քիչ է հետաքրքրված արտաքին աշխարհով», – հայտնել է ԵՄ պաշտոնյան՝ անանուն մնալու պայմանով։
Մեկ այլ պաշտոնյայի խոսքով՝ այս նախագծի վերաբերյալ ներքին զրույցներում «կան հստակ մտավախություններ, որ Ռուսաստանը կամ Չինաստանը կարող են լրացնել մեր ստեղծած ցանկացած վակուում»:
«Ստատուս քվոյի պահպանումը տարբերակ չէ։ ԵՄ-ն այնպիսի պատվիրակությունների ցանցի կարիք ունի, որն ավելի կհամապատասխանի նոր քաղաքական առաջնահերթություններին… Դա պետք է իրականացվի բյուջետային սահմանափակ համատեքստում», – նշվել է «Զգայուն» վերտառությամբ փաստաթղթում:
Դաշինքը ունի 145 պատվիրակությունների գրասենյակ ամբողջ աշխարհում, որոնք գործում են որպես ԵՄ դեսպանություններ: Նպատակն է կենտրոնանալ այն երկրների վրա, որտեղ «ԵՄ-ի առաջնային շահերն են»:
Բրյուսելն առաջնահերթություն է տալու այն երկրներին, որոնք նպատակ ունեն միանալ ԵՄ-ին կամ որոնք գտնվում են դաշինքի անմիջական հարևանությամբ՝ G20-ի երկրներին, ձևավորվող «քաղաքական և տնտեսական ուժերի» և այն երկրներին, որտեղ «անկայունությունը վտանգ է ներկայացնում ԵՄ-ի շահերին»:
