Տարածաշրջանի երկրների տարածքային ամբողջականության պաշտպանությունը Իրանի ռազմավարություններից մեկն է. Փեզեշքիան
Իրանի նախագահ Մասուդ Փեզեշքիանն Իրաքի վարչապետ Մուհամեդ Շիա Ալ Սուդանիի հետ հեռախոսազրույցում նշել է, որ իսլամական երկրները միասնության և համախմբման կարիք ունեն՝ օգնելու Սիրիային հաղթել ահաբեկչական խմբավորումներին, որոնք ներկայումս կռվում են կառավարության դեմ:
Նրանք քննարկել են Արևմտյան Ասիայի տարածաշրջանի վերջին զարգացումները, այդ թվում՝ Սիրիայում: Իրանի նախագահը նշել է, որ տարածաշրջանի երկրների, այդ թվում՝ Սիրիայի տարածքային ամբողջականության պաշտպանությունը տարածաշրջանի նկատմամբ Իրանի ռազմավարություններից մեկն է։
Նա ընդգծել է, որ Սիրիայում տեղի ունեցած վերջին իրադարձությունները լուրջ մտահոգություններ են առաջացրել տարածաշրջանային անվտանգության վերաբերյալ, այն ժամանակ, երբ Լիբանանում հրադադարից հետո տարածաշրջանը հարաբերական հանգստության է գնում, և բոլոր հայացքներն ուղղված են Գազայի վրա:
«Նման միջադեպերը Սիոնիստական ռեժիմի չար դավադրությունների մի մասն են՝ իսլամական երկրներում անկայունություն, տարաձայնություն և հակամարտություն տարածելու համար»,- նշել է Փեզեշքիանը՝ կոչ անելով իսլամական երկրներին համագործակցել՝ կանխելու նման ահաբեկչական գործողությունների տարածումը։
