Սիրիայում ապստամբների առաջնորդը խոստացել է փակել Ասադի օրոք եղած «դաժան բանտերը»
Սիրիական ապստամբ ուժերը հայտարարել են, որ ծրագրում են փակել Բաշար ալ-Ասադի օրոք եղած «դաժան բանտերը» և գտնել նրանց, ովքեր ներգրավված են եղել կալանավորների սպանությունների կամ խոշտանգումների մեջ․ գրում է BBC-ն։
Ապստամբների առաջնորդ Ահմեդ ալ-Շարաան, որը հայտնի է նաև որպես Աբու Մուհամեդ ալ-Ջոլանի, հայտարարել է, որ բանտարկյալների խոշտանգումներին կամ սպանություններին մասնակցություն ունեցած մարդկանց ներում շնորհելու հավանականությունը բացառված է:
Ջոլանին նաև նշել է, որ կլուծարի նախկին ռեժիմի անվտանգության ուժերը։
