Հակամարտությունների խաղաղ կարգավորման համար քաղաքական և դիվանագիտական գործիքներ գտնելու խնդիրն այժմ առավել արդիական է․ Տասմագամբետով
Հավաքական անվտանգության պայմանագրի կազմակերպությունը (ՀԱՊԿ) կարևոր գործոն է Եվրասիայում կայունության պահպանման համար և լավ է դիմագրավում ներկայիս մարտահրավերներին բարդ աշխարհաքաղաքական պայմաններում:
Այս մասին նշվել է ՀԱՊԿ գլխավոր քարտուղար Իմանգալի Տասմագամբետովի հոդվածում, որը հրապարակվել է Национальная оборона ամսագրում։ Նրա խոսքով՝ կազմակերպությունը հաջողությամբ հաղթահարում է անդամ պետությունների անվտանգությանը սպառնացող մարտահրավերներն ու սպառնալիքները, որոնք գնալով հիբրիդային բնույթ են ստանում։
Գլխավոր քարտուղարն ուշադրություն է հրավիրել այն փաստի վրա, որ «գլոբալ և տարածաշրջանային անվտանգության ապահովման նոր պայմաններին համարժեք համակարգ ստեղծելու ցանկությունն ավելի է արդիականացնում հակամարտությունների խաղաղ կարգավորման համար քաղաքական և դիվանագիտական գործիքներ գտնելու խնդիրը»: Այդպիսի գործիքներից մեկը, ըստ նրա, ՀԱՊԿ-ն է, որը միջազգային իրավիճակի աճող բարդությունների համատեքստում «շարունակում է կատարել իր գործառույթներն ամբողջությամբ», ունի հետագա զարգացման մեծ ներուժ և ցուցադրում է հարմարվելու կարողություն՝ հաշվի առնելով «գլոբալ աշխարհաքաղաքական գործընթացները և ժամանակակից հակամարտությունների հիբրիդային բնույթը»։
Տասմագամբետովի խոսքով՝ ՀԱՊԿ ուժերը 2024 թվականի ընթացքում ակտիվորեն համալրվել են ժամանակակից զինատեսակներով, և նրանց ներուժը կշարունակի ամրապնդվել։
