Բաքվից խոստովանում են՝ մերժել են Մադրիդյան սկզբունքները, գնացել են պատերազմի ու ագրեսիայի ճանապարհով․ ադրբեջանագետ
Ադրբեջանցի պատգամավոր Ռասիմ Մուսաբեկովը ևս մեկ անգամ արձանագրում է, որ Ադրբեջանը մերժել է Մադրիդյան սկզբունքները, նաև Կազանյան առաջարկը, քանի որ դա նախատեսում էր Լեռնային Ղարաբաղի անջատում Ադրբեջանից․ տելեգրամյան ալիքում գրում է ադրբեջանագետ Տաթևիկ Հայրապետյանը։
«Նա նաև հստակ խոսում է այն մասին, որ Ադրբեջանը գնացել է պատերազմի ու ագրեսիայի ճանապարհով։
Չգիտես ինչպես է ստացվում, որ միայն Փաշինյանն ու ՔՊ-ն են խաղաղ լուծման բոլոր տարբերակները մեկնաբանում այնպես, թե իբր ԼՂ-ն լինելու էր Ադրբեջանի կազմում։ Այս ակնհայտ ստին անգամ Ադրբեջանը չի կարողանում չհակադարձել…», – գրել է Հայրապետյանը։
