Գերմանիայի և Ֆրանսիայի ԱԳ նախարարները մեկնում են Սիրիա՝ հանդիպելու երկրի նոր իշխանությունների հետ
Գերմանիայի և Ֆրանսիայի արտգործնախարարները ուրբաթ օրը միասին մեկնում են Սիրիա՝ հանդիպելու երկրի նոր իշխանությունների հետ։ Այս մասին տեղեկացրել է Գերմանիայի ԱԳ նախարար Անալենա Բերբոքը, գրում է Reuters գործակալությունը։
«Այսօր իմ ուղևորությունը ֆրանսիացի գործընկերոջս հետ ԵՄ-ի անունից հստակ ազդանշան է սիրիացիներին․ նոր քաղաքական հղման կետ Եվրոպայի և Սիրիայի համար, հնարավոր է՝ Գերմանիայի և Սիրիայի համար», – հայտարարել է Բերբոքը:
