Ալիևին պատրվակ էր պետք ՌԴ-ի հետ հարաբերությունները սրելու համար. EADaily

Որպես ժառանգություն 2024-ից 2025-ին՝ Ռուսաստանը ստացել է Ադրբեջանի հետ խաթարված հարաբերությունները, գրել է EADaily-ին։ Սրա պաշտոնական պատճառը Ղազախստանի Ակտաուի մոտ դեկտեմբերի 25-ին «Ադրբեջանական ավիաուղիներ»-ի ինքնաթիռի կործանումն էր։

Այս ինքնաթիռը Բաքվից ուղևորվում էր Գրոզնի։ Ֆորմալ առումով՝ ադրբեջանական կողմին դուր չի գալիս ռուսական իշխանությունների նախնական արձագանքն այս աղետին։ Բաքուն կատարվածի պատասխանատվությունը դնում է Ռուսաստանի վրա: Միևնույն ժամանակ տպավորություն է ստեղծվում, որ ավիավթարը հարմար պատրվակ է դարձել, որպեսզի Ադրբեջանը սկսի կրճատել շփումները Ռուսաստանի հետ։ Եվ դա, առաջին հերթին, վերաբերում է օդային երթևեկությանը։ Կրկին, ֆորմալ պատճառն անվտանգությունն է։ Բայց արևմտյան երկրներն օդային երթևեկության արգելք մտցրել են 2022 թվականին, երբ պատժամիջոցներ են սահմանել Ռուսաստանի դեմ։

«Եթե ​​սա արևմտյան պատժամիջոցներին քողարկված հավատարմություն չէ, ապա ինչպե՞ս կարելի է դա անվանել», – հարցադրում է կայքը՝ հավելելով, որ տագնապալի է, թե ինչպես Ռուսաստանի բացահայտ թշնամիները որոշեցին օգտվել տեղի ունեցածից։

Այսպես, դեկտեմբերի 28-ին Ուկրաինայի նախագահ Վլադիմիր Զելենսկին զանգահարել է Ադրբեջանի նախագահ Իլհամ Ալիևին։ Այս առումով՝ հետաքրքրականն այն չէ, թե ինչպես է Զելենսկին որոշել օգտվել այս ողբերգությունից, այլ այն, որ Կիևն ու Բաքուն ունեն մեկ ընդհանուր հովանավոր, «ով շատ է սիրում տարբեր արյունալի սադրանքներ»՝ Մեծ Բրիտանիան։

Ավելին, կարելի է տեսնել, թե ինչպես են արևմտյան և ադրբեջանական ԶԼՄ-ներն Ակտաուի մոտ տեղի ունեցած ավիավթարի ողջ պատմության մեջ պարզապես լռել գործոններից մեկի մասին, որն, իհարկե, չի նպաստում անվտանգ օդային երթևեկությանը: Խոսքը ուկրաինական ԶՈւ-երի կողմից Ռուսաստանի տարածքին հավածելու մասին է:

«Եվ դա նույնպես հասկանալի է, քանի որ տեղի ունեցած ավիավթարն ակտիվորեն օգտագործվում է, որպեսզի, չնայած ղարաբաղյան խնդրի լուծմանը, Ադրբեջանը չմտածի Ռուսաստանի հետ մերձենալու մասին», – նշվել է հոդվածում:

Բայց հարցը միայն Ուկրաինայով չի սահմանափակվել։ Դեկտեմբերի 30-ին Ալիևին զանգահարել է Լիտվայի նախագահ Գիտանաս Նաուսեդան, ով չի զլացել Ռուսաստանի հասցեին հնչեղ հարվածներ հասցնել։ Ընդհանրապես, Զելենսկու և Նաուսեդայի հետ զրույցները լրացուցիչ փաստարկներ կարելի է համարել այն վարկածի օգտին, որ դեկտեմբերի 25-ի ավիավթարը հարմար պատրվակ է դարձել Ադրբեջանին Ռուսաստանից հեռացնելու համար։ Ադրբեջանում բացահայտ հակառուսական միտումի վերածնունդը հաստատում է հունվարի 7-ին Ալիևի տված հարցազրույցը տեղական լրատվամիջոցներին, որտեղ նա խոսել է «Հայաստանին անվճար զենք տրամադրած դաշնակցի»՝ Ռուսաստանի մասին: Նշվել է նաև, որ Ջորջ Սորոսին և Ջո Բայդենի վարչակազմին քննադատելիս Ալիևը հարցազրույցում շողոքոթելով է խոսել ԱՄՆ նախագահական ընտրություններում հաղթած Դոնալդ Թրամփի մասին, ով ի սկզբանե Բաքվի նախընտրելի թեկնածուն էր։ Բայց այս հարցազրույցում Ալիևը հարվածել է նաև Իրանին:

Այսպիսով, նա Իրանին մեղադրել է «Ադրբեջանի ինքնիշխանության և տարածքային ամբողջականության նկատմամբ անհարգալից վերաբերմունքի մեջ»: Բայց չնայած Մեծ Բրիտանիայի և Իսրայելի համոզումներին և համոզմունքներին, Ադրբեջանը չի կարող պարզապես հրաժարվել Հյուսիս-Հարավ միջանցքից և Ռուսաստանի և Իրանի հետ համագործակցությունից։

Նրան դրա համար ժամանակ է պետք։ Եվ եթե հաշվի առնենք նաև այն հանգամանքը, որ Բաքուն և Վաշինգտոնը միշտ էլ ավելի լավ հարաբերություններ են ունեցել հանրապետականների օրոք, ապա մեծ կասկած կա, որ Ադրբեջանն արդեն սկսել է պատրաստվել դուրս գալ Ռուսաստանի և Իրանի հետ համագործակցությունից՝ նույն տեղում կանգնելուԱՄՆ-ի, Իսրայելի և Մեծ Բրիտանիայի կողքին: