Մարկ Ցուկերբերգը կոչ է արել Թրամփի կառավարությանը արգելել ԵՄ-ին՝ տուգանել ամերիկյան տեխնոլոգիական ընկերություններին
Meta-ի հիմնադիր Մարկ Ցուկերբերգը պնդել է, թե ԱՄՆ կառավարությունը նոր նախագահ Դոնալդ Թրամփի օրոք պետք է միջամտի, որպեսզի ԵՄ-ն դադարեցնի տուգանել ամերիկյան տեխնոլոգիական ընկերություններին հակամենաշնորհային խախտումների և այլ չարաշահումների համար․ հաղորդում է Politico-ն։
«Կարծում եմ՝ Միացյալ Նահանգների ռազմավարական առավելությունն այն է, որ մենք ունենք աշխարհի ուժեղագույն բազմաթիվ ընկերություններ, և ես կարծում եմ, որ դրա պաշտպանությունը պետք է լինի ԱՄՆ ռազմավարության մի մասը,- ասել է Ցուկերբերգը Joe Rogan Experience փոդքաստում ելույթ ունենալիս:- Եվ դա է պատճառներից մեկը, որ ես լավատեսորեն եմ վերաբերվում նախագահ Թրամփին»:
Ցուկերբերգի կարծիքով՝ Թրամփը ցանկանում է, որ ԱՄՆ-ն հաղթի։
Ցուկերբերգը նաև բողոքել է, որ վերջին երկու տասնամյակի ընթացքում օրենքի խախտման համար ԵՄ-ն ստիպել է Եվրոպայում գործող ամերիկյան տեխնոլոգիական ընկերություններին «ավելի քան 30 միլիարդ դոլար» տուգանք վճարել:
