
ՀՀ-ի մերձեցումը Վաշինգտոնի հետ վտանգ է ներկայացնում Ադրբեջանի, Թուրքիայի, ՌԴ-ի և Իրանի համար․ AGC News
Հարավային Կովկասում դեպի ծով ելք չունեցող Հայաստանը շրջապատված է պետություններով, որոնց օրակարգերը բախվում են իր սեփական օրակարգին, գրել է իտալական AGC News-ը։
Ինչպես նշվել է, Ադրբեջանը, որի հիշողության մեջ դեռ թարմ է Արցախում ռազմական հաղթանակը, հետագա տարածքային նվաճումների հավակնություններ ունի։ Նրա դաշնակից Թուրքիան փորձում է հասնել հայկական տարածքով դեպի Ադրբեջան ուղիղ միջանցքի ստեղծմանը։ Իրանը, խորապես զգուշանալով ԱՄՆ-ի ազդեցությունից, սպառնալիք է տեսնում դեպի Արևմուտք ՀՀ-ի կողմնորոշման մեջ։ Անգամ Վրաստանը, որն ավանդաբար դիտվում է որպես գործընկեր, ամենայն հավանականությամբ, կնահանջի տարածաշրջանում ԱՄՆ-ի ակտիվության աճի պայմաններում, ինչը կարող է ապակայունացնել նրա նուրբ աշխարհաքաղաքական դիրքը:
Հայաստանի արտգործնախարար Արարատ Միրզոյանի՝ ԱՄՆ կատարած այցի ընթացքում Վաշինգտոնը և Երևանը ստորագրել են երկու երկրների միջև ռազմավարական գործընկերության համաձայնագիրը։ Համաձայնագիրը Վաշինգտոնում ողջունվեց որպես Հայաստանի ինքնիշխանության ամրապնդմանն ուղղված քայլ: «Հայաստանն այսպիսով թողնում է ռուսական վերմակը՝ սահելու ամերիկյան հովանու տակ», – գրել է կայքը։
Ըստ Հարավային Կովկասի որոշ վերլուծաբանների՝ «Միացյալ Նահանգների հետ այդքան սերտորեն համահունչ լինելով՝ Հայաստանը վտանգվում է դառնալու նոր Ուկրաինա՝ փոքր երկիր, որը ռազմավարական առումով տեղակայված է մեծ տերությունների մրցակցության էպիկենտրոնում»: Շեշտվել է, որ Հայաստանի և Միացյալ Նահանգների գործընկերությունը վտանգում է թշնամանացնել նրան իր բոլոր հարևաններին: «Համաշխարհային ուժային պայքարի խաչաձև կրակի մեջ հայտնված փոքր երկրները կարող են վճարել ամենաբարձր գինը», – գրել է կայքը:
Ստորագրված համաձայնագիրն ընդգրկում է երկկողմ համագործակցության լայն շրջանակ, այդ թվում՝ պաշտպանության, անվտանգության, գիտության, կրթության, էներգետիկայի, մշակույթի, ինչպես նաև Հայաստանի տնտեսական և իրավական համակարգի բարեփոխման ոլորտները։
Օրինակ՝ հաջորդ տարի լրանում է ատոմակայանի պայմանագրի կառավարման ժամկետը։ Վերջին կետերը ենթադրում են ամերիկյան ֆինանսավորում բարեփոխումների համար։ Վաշինգտոնը կամրապնդի իր ազդեցությունը Երևանի վրա ֆինանսավորման միջոցով, բայց Հայաստանը ստիպված կլինի զբաղվել ոչ միայն ներքին փոփոխություններով: ԱՄՆ ազդեցության ուժեղացումը ամենևին էլ լավ նորություն չէ ոչ միայն Ռուսաստանի, այլ նաև Թուրքիայի, Ադրբեջանի և Իրանի համար։