ԵՄ երկրների մշտական ներկայացուցիչները հավանություն են տվել վրացի դիվանագետների համար առանց վիզայի ռեժիմը կասեցնելու որոշմանը

ԵՄ 27 երկրների մշտական ​​ներկայացուցիչները հավանություն են տվել վրացի դիվանագետների համար առանց վիզայի ռեժիմը կասեցնելու որոշմանը․ ТАСС գործակալությանը հայտնել է ԵՄ Խորհրդում երկրներից մեկի պատվիրակության աղբյուրը։

«Այո, մշտական ​​ներկայացուցիչներն այսօր առավոտյան համաձայնության են եկել Վրաստանի դիվանագիտական ​​անձնագրեր ունեցողների համար առանց վիզայի ռեժիմը կասեցնելու որոշման շուրջ»,- ասել է աղբյուրը՝ հավելելով, որ այժմ այդ որոշումը պետք է ֆորմալ հաստատվի ԵՄ խորհրդի կողմից, ինչը կարող է տեղի ունենալ հունվարի 27-ին՝ ԵՄ  27 անդամ երկրների արտգործնախարարների հանդիպման ժամանակ։

Դեկտեմբերի 20-ին Եվրահանձնաժողովը պաշտոնապես հանդես էր եկել վրացի պաշտոնյաների և դիվանագետների համար առանց վիզայի ռեժիմը դադարեցնելու առաջարկով։