Խորապես վշտացած ենք Վաշինգտոնում տեղի ունեցած ողբերգական ավիավթարի կապակցությամբ. ԱԳՆ
Խորապես վշտացած ենք Վաշինգտոնում տեղի ունեցած ողբերգական ավիավթարի կապակցությամբ, որը բազմաթիվ կյանքեր խլեց: Այս մասին ասված է ՀՀ ԱԳՆ-ի ցավակցական ուղերձում:
«Մեր խորին ցավակցություններն ու սփոփանքի խոսքերը՝ զոհվածների ընտանիքներին ու մերձավորներին: Հայաստանը համերաշխ է Միացյալ Նահանգների ժողովրդի հետ»:
Վաշինգտոնի օդանավակայանի մոտ վայրէջքի ժամանակ մարդատար ինքնաթիռը բախվել է ուսումնական թռիչք իրականացնող ռազմական ուղղաթիռին, երկուսն էլ ընկել են Պոտոմակ գետը: Օդանավում եղել է 60 ուղևոր և անձնակազմի 4 անդամ, ուղղաթիռում՝ երեք զինվորական: Ողջ մնացածներ առայժմ չեն հայտնաբերվել:
