Խոշոր վթար Իրանում. բախվել են բեռնատարն ու ավտոբուսը

Իրանի Ալբորզ նահանգում, որը գտնվում է Թեհրանից դեպի արևմուտք, բեռնատարը բախվել է միկրոավտոբուսին, մահացել է 2 մարդ, 19-ը վնասվածքներ են ստացել։ Տեղեկությունը հայտնում է ISNA-ն՝ հղում անելով նահանգի արտակարգ ծառայության ղեկավար Ահմադ Մահդավիին։

«Տուժածները առաջին բուժօգնություն ստանալուց հետո տեղափոխել են հիվանդանոց», – ասել է Մահդավին։

Գործակալության տվյալներով՝ վթարի վայր են մեկնել շտապօգնության յոթ մեքենա և երկու ուղղաթիռ։