«Մայր Հայաստան» դաշինքն ու «Հանրային ձայն» կուսակցությունը հայտարարություններ
են տարածել՝ խոսելով Երևանում իշխանափոխություն իրականացնելու հավանականության
մասին։
«Բավական լուրջ հարված է հասցվել այս իշխանությանը։
Նիկոլ Փաշինյանը և իր խմբակը չեն կարողացել իրենց ուզածը ստանալ, և հիմա կասկածելիորեն
ուշանում է տվյալների հրապարակումը։ Ակնհայտ է, որ իրենց հարակից քույր կազմակերպության
միջոցով փորձում են ինչ-որ թվեր ստանալ։ Ամբողջական իշխանափոխության համար սա առաջին
քայլն է։ Մեկ բան ակնհայտ է՝ այս իշխանությունը չունի հանրային վստահություն, չունի
լեգիտիմություն։ Կարծում ենք, որ կա հնարավորություն՝ այս գործընթացը վերածել ընդհանուր
պայքարի և իշխանափոխության։ Պատրաստ եղե՛ք»,- այս մասին հայտարարել է «Մայր Հայաստան»
դաշինքի առաջնորդ Անդրանիկ Թևանյանը։
«Հանրային ձայն» կուսակցության ղեկավար Վարդան
Ղուկասյանը ևս հայտարարել է իր աջակցության մասին։
«Պատրաստ եմ միավորվել մյուս երկու ուժերի
հետ՝ թեկուզ այն պայմանով, որ քաղաքապետի թեկնածուն լինի նրանցից մեկը։ Հայկ Մարությանն
է ցանկանու՞մ դառնալ քաղաքապետ։ Պատրաստ եմ։ Անդրանիկ Թևանյանն է ցանկանու՞մ։ Պատրաստ
եմ։ Եկեք միավորվենք»,-հայտարարել է Ղուկասյանը։
Հիշեցնենք, որ երեկ կայացած Երևանի ավագանու
ընտըությունների նախնական արդյունքում ՔՊ-ն չի հավաքել 50 տոկոսից ավելի և ցուցակի
առաջին համար Տիգրան Ավինյանն օրենքի ուժով չի կարող քաղաքապետ դառնալ։
