Մեծ Բրիտանիայի վարչապետը ԱՄՆ-ին կոչ է անում անվտանգության երաշխիքներ տրամադրել Ուկրաինային
Մեծ Բրիտանիայի վարչապետ Քիր Սթարմերը կրկնել է Ուկրաինային ամերիկյան անվտանգության երաշխիքներ տրամադրելու իր կոչը։ Ըստ Սթարմերի՝ այս քայլով նրանք կկարողանան ՌԴ նախագահ Վլադիմիր Պուտինին հետ պահել Ուկրաինա կրկին ներխուժելուց․ գրում է BBC-ն։
Հիշեցնենք, որ այսօր Մեծ Բրիտանիայի վարչապետն ու ԱՄՆ նախագահը կհանդիպեն Սպիտակ տանը․ բանակցությունների առանցքը կլինի Ուկրաինան։ Այս առնչությամբ՝ Թրամփը հայտարարել է, թե Եվրոպան է, որ պետք է ապահովի Ուկրաինային անվտանգության երաշխիքներով, և որ Վաշինգտոնի ներգրավվածության երաշխիք չի լինի։
Նա նաև նշել է, որ Ուկրաինայի նախագահ Վլադիմիր Զելենսկին ուրբաթ կայցելի Օվալաձև գրասենյակ՝ Ուկրաինայի հանքային պաշարները կիսելու վերաբերյալ «շատ մեծ» համաձայնագիր ստորագրելու համար։
