Հայոց պատմությունն՝ առանց Արցախի ու հերոսների․ նոր դասագրքեր՝ նոր բովանդակությամբ

Օսմանյան կայսրությունում արգելված էր Հայաստանի անունը տալը, իսկ  Խորհրդային միության տարիներին Հայաստանում արգելված էր գրել հայրենիքի, ազատագրական պայքարի ու Հայոց պատմության հերոսական էջերի մասին։ 2025 թվականին արդեն Հայաստանում Հայոց պատմության դասագրքերից դուրս են մնացել Արցախին նվիրված թեմաները, իսկ Արցախը փոխարինվել է բացառապես Ղարաբաղ տեղանունով։ Պատմաբաններն ահազանգում են՝ Արցախյան ազատամարտի արդի փուլ ենթավերնագիրը նոր դասագրքում դարձել է Մշակույթը Լեռնային Ղարաբաղում, իսկ Արցախյան ազատամարտի հերոսները թեմայի փոխարեն աշակերտներին առաջարկվել է սովորել Հասարակության առօրյա կյանքն ու կենցաղը։