Անկողնային պարագաներ, սնունդ, հիգիենայի պարագաներ․ Արցախ մտած ռուսական բեռի պարունակությունը

Սեպտեմբերի 12-ին Ասկերան քաղաքով Արցախի Հանրապետություն է մուտք
գործել ռուսական Կարմիր խաչի մեկ բեռնատար մեքենա՝ բեռնավորված ռուսական արտադրության
հումանիտար բեռներով:

1000 մթերային փաթեթ, որոնցից յուրաքանչուրում
առկա է ձեթ, շաքարավազ, ալյուր, մակարոն, հնդկաձավար, կորեկ, սպիտակաձավար, վարսակի
փաթիլներ և մսի պահածո։

Անկողնային պարագաներ՝ 270 փաթեթ, որոնցից
յուրաքանչյուրում առկա է սպիտակեղեն, բարձ և ծածկոց։

Հիգիենայի պարագաներ՝ 200 փաթեթ, որոնցից յուրաքանչյուրում կան
ատամի խոզանակներ, օճառ։

Մանկական փաթեթներ՝ 192 հատ, յուրաքանչյուրում՝ վիտամիններ, ձկան
յուղ, ատամի խոզանակ, մանկական խյուս։