Ճանապարհ տալու ենք, այո՛․ Նիկոլ Փաշինյանի հայտարարության առանցքային կետերը
Պայմանագրի դրույթները չեն մնացել անփոփոխ, դրանք զարգացել են։ Չնայած դրանք մեր նախընտրած լավագույն տարբերակը չեն, այնուամենայնիվ, դրանք ձևավորված են այնպես, որ ընդունելի լինեն։
Ժամկետների վերաբերյալ այս պահին որևէ հստակ հայտարարություն չեմ կարող անել, սակայն մենք պատրաստ ենք բանակցությունները սկսելու՝ տեղն ու ժամը որոշելու շուրջ։
Պայմանագրում նշված է՝ կողմերը չպետք է երրորդ երկրների ուժեր տեղակայեն իրենց ընդհանուր սահմանի երկայնքով։
Ոչ միայն չեմ բացառում, այլև հստակ նշում եմ՝ Հայաստանը պատրաստ է ապաշրջափակել ճանապարհները։ Ճանապարհ տալու ենք, այո՛։ Ինչպե՞ս՝ ծանոթացեք իմ հոդվածին։
ՀՀ Սահմանադրությունը որևէ տարածքային պահանջ չի ներկայացնում Ադրբեջանի կամ այլ պետությունների նկատմամբ։ Հակառակը՝ Ադրբեջանն է նման պահանջներ ներկայացնում։ Խաղաղության պայմանագրում մենք կփորձենք գտնել փոխադարձ ընդունելի լուծումներ և կքննարկենք Ադրբեջանի սահմանադրության մեջ առկա՝ Հայաստանի նկատմամբ տարածքային պահանջները։ Այս հարցերը լուծված են պայմանագրի առնվազն երեք կետով։
