Պուտինը հրահանգել է դադարեցնել հարձակումները Ուկրաինայի էներգետիկ օբյեկտների վրա

Ռուսաստանի նախագահ Վլադիմիր Պուտինը դրական է արձագանքել ԱՄՆ նախագահ Դոնալդ Թրամփի՝ Ուկրաինայում հակամարտող կողմերի՝ 30 օրով էներգետիկ ենթակառուցվածքների վրա հարձակումներից փոխադարձ հրաժարվելու նախաձեռնությանը․ գրում է РИА Новости գործակալությունը՝ հղում տալով Կրեմլի Մամուլի ծառայությանը։

«Զրույցի ընթացքում Դոնալդ Թրամփը առաջարկ է արել հակամարտող կողմերին 30 օրով փոխադարձաբար հրաժարվել էներգետիկ ենթակառուցվածքների վրա հարձակումներից։ Վլադիմիր Պուտինը դրական է արձագանքել այս նախաձեռնությանը և անմիջապես համապատասխան հրաման է տվել ռուս զինվորականներին»,- ասվում է հաղորդագրության մեջ։