Սպիտակ տունը ներկայացրել է Ալ Ռիադում ՌԴ-ի հետ պայմանավորվածությունների մանրամասները
ԱՄՆ-ն և Ուկրաինան Ալ Ռիադում կայացած հանդիպման ժամանակ պայմանավորվել են բացառել Սև ծովում առևտրային նավերի դեմ ուժի կիրառումը և ապահովել անվտանգ նավագնացություն․ ասվում է Սպիտակ տան հայտարարության մեջ։
Նշվում է, որ Վաշինգտոնն ու Կիևը պայմանավորվել են մշակել ռուսաստանյան և ուկրաինական էներգետիկ ենթակառուցվածքների օբյեկտներին հարվածներն արգելելու մեխանիզմ:
«Կողմերը պայմանավորվել են տևական և կայուն խաղաղության հասնելու ուղղությամբ շարունակել աշխատանքները», – ասվում է հայտարարության մեջ։
Սպիտակ տունը նաև հայտնել է, որ Միացյալ Նահանգները մտադիր է դյուրացնել Ռուսաստանի ընդլայնված մուտքը նավահանգիստներ և վճարային համակարգեր սահմանել պարարտանյութերի և սննդամթերքի արտահանման համար, ինչպես նաև նվազեցնել ծովային ապահովագրության ծախսերը։
Մարտի 24-ին Ալ Ռիադում տեղի են ունեցել ռուս–ամերիկյան բանակցություններ, որոնք տևել են 12 ժամ։
