ՀՀ-ի խորհրդարանի՝ ԵՄ-ին անդամակցելու որոշման հետևում միայն մերկապարանոց քաղաքականություն է․ Տարասով
Հայաստանի խորհրդարանն ընդունել է օրինագիծ՝ երկրի՝ Եվրամիությանն անդամակցելու մտադրության մասին։ Այս որոշմամբ՝ Հայաստանի խորհրդարանը փորձում է շանտաժի ենթարկել Մոսկվային, բայց միայն խորհրդարանի որոշումը բավարար չէ։ Դեռ պետք է հանրաքվե անցկացնել։ Եվ միայն այդ դեպքում՝ խորհրդարանի որոշումն օրինական ուժ կստանա։ Այս մասին Комсомольская Правда-ի հետ զրույցում նշել է Մերձավոր Արևելքի և Կովկասի հարցերով փորձագետ Ստանիսլավ Տարասովը։
«Դա կապված է նոր ընտրությունների և Հայաստանի ներկայիս իշխանությունների հավատարմության դրսևորման հետ կոնկրետ տերերին։ Ավելին՝ Երևանի իրական մտահոգությունները քիչ են անհանգստացնում Եվրոպային», – նշել է քաղաքագետը՝ հավելելով, որ անհնար է, որ Երևանը լինի միանգամից երկու կառույցում՝ տնտեսական և ռազմաքաղաքական. խոսքը Ռուսաստանի հետ կապված կառույցների մասին է, ինչպիսիք են ՀԱՊԿ-ը և ԵԱՏՄ-ն։
Տարասովի կարծիքով՝ Եվրոպան Հայաստանին ոչինչ չի կարող տալ։ Միայն Փարիզն է փորձում Երևանին մի փոքր օգնել՝ հասկանալի պատճառներով։ Քաղաքագետը հիշեցրել է, որ Հայաստանի Սահմանադրության համաձայն՝ այս մակարդակի որոշումները հաստատելու համար անհրաժեշտ է համապետական հանրաքվե։ Իսկ համապետական քվեարկությունն արդեն գնահատական է լինելու երկրի ներքաղաքական իրավիճակին։
«Հայաստանի խորհրդարանի՝ ԵՄ-ին անդամակցելու որոշման հետևում միայն մերկապարանոց քաղաքականություն է և մի խումբ քաղաքական գործիչների ինքնապահպանման զգացում», – ընդգծել է Տարասովը։
