Իրանը դեմ է ռազմականացմանը. Սոբհանին՝ Ադրբեջանի կողմից Իսրայելից զենք գնելու մասին
Իրանը դեմ է տարածաշրջանում ռազմականացմանը, լրագրողներին ասել է Հայաստանում Իսլամական Հանրապետության դեսպան Մեհդի Սոբհանին՝ մեկնաբանելով Ադրբեջանի կողմից Իսրայելից զենք գնելու մասին լուրերը։
«Մենք դեմ ենք տարածաշրջանում ռազմականացմանը: Մենք լավ հարաբերություններ ունենք Ադրբեջանի հետ, այն մեր հարևանն է: Եվ մենք անում ենք հնարավոր ամեն ինչ՝ օգտագործելով մեր բոլոր կապերը Բաքվի հետ, որպեսզի օգնենք տարածաշրջանում խաղաղություն հաստատել», – ասել է Սոբհանին:
Համենայնդեպս, ըստ նրա, Իրանը ուշադիր հետևում է տարածաշրջանում իրավիճակի զարգացմանը։
