Իսրայելի բանակը հրապարակել է Սիրիայում նոր հարվածների կադրերը

Իսրայելական բանակը հրապարակել է տեսարաններ իր հարվածային գործողություններից Սիրիայի հարավում՝ ընդգծելով, որ այս օպերացիան շարունակվում է՝ որպես տարածաշրջանի անվտանգության ամրապնդման և Գոլանի բարձունքների պաշտպանության ջանքերի մի մաս․ գրում է Sputnik-ի իրանական ծառայությունը։

Իսրայելի բանակի խոսնակ Ավիխայ Ադրաեն հայտարարել է, որ այս շաբաթ իրենց ուժերը գրոհել են Սիրիայի նախկին բանակին պատկանող մի վայր և այնտեղ հայտնաբերել են դրա ստորաբաժանումներից մեկի հրամանատարական կետը։

Ադրաեն նշել է, որ այդ վայրում հայտնաբերվել են նախկինում Սիրիայի բանակի կողմից օգտագործված զրահապատ տանկեր, զրահապատ փոխադրիչներ և հրետանային զենքեր, որոնցից մի քանիսը առգրավվել են, իսկ մնացածը ոչնչացվել։