Զրպարտություններն ինձ չեն զարմացնում և ոչ էլ զայրացնում են․ Սերժ Սարգսյան

Որ պետությունը Ցեղասպանության հարցը մղել է երկրորդ պլան, դա փաստ է, իսկ ենթադրել, թե նրանք ինչ են մտածում, ինչու են դա անում, անշնորհակալ գործ է․այսօր Ծիծեռնակաբերդ այցի ընթացքում ասել է ՀՀ 3-րդ նախագահ Սերժ Սարգսյանը։

«Գիտեք՝ ես շատ-շատ երկար եմ ծառայել Հայաստանի Հանրապետությանը՝25 տարուց ավելի, և միգուցե դրանով է նաև պայմանավորված, որ ես այս երկրի ամենազրպարտված պաշտոնյաներից մեկն եմ եղել։ Այնպես որ զրպարտություններն ինձ չեն զարմացնում և ոչ էլ զայրացնում են»,-ասել է նախագահը։

Սերժ Սարգսյանի խոսքով՝ իրենք ունեն իշխանությանը հեռացնելու ծրագիր, որը կարտացոլվի մինչև 2026 թվականը, սակայն հիմա անիմաստ է համարում դրա հրապարակումը։