Բոլոր ընտրող կարդինալները ժամանել են Հռոմ՝ մասնակցելու կոնկլավին

Բոլոր 133 կարդինալները, որոնք ձայնի իրավունք ունեն սպասվող կոնկլավի ժամանակ, ժամանել են Հռոմ՝ նոր Պապի ընտրությանը մասնակցելու․ հայտնում է Սուրբ Աթոռի մամուլի ծառայությունը։

Կարդինալների կոլեգիայի 179 անդամից մայիսի 7-ին բացվող կոնկլավին կհավաքվեն նրանք, որոնց տարիքը 80-ից ցածր է։

Սուրբ Աթոռի մամուլի ծառայության ղեկավար Մատեո Բրունին հայտնել է, որ նման մեծ թվով «Եկեղեցու իշխաններին» տեղավորելու համար Վատիկանը նստավայր է նախապատրաստել Սուրբ Մարթայի տանը, որն ավանդաբար ծառայել է այդ նպատակին վերջին կոնկլավների ժամանակ։

Բրունին հայտարարել է, որ շաբաթ օրը տեղի է ունեցել սենյակների վիճակահանությունը, որտեղ կարդինալները գաղտնիության և մեկուսացման պայմաններում բնակվելու են կոնկլավի ընթացքում: Կարդինալները կարող են իրենց բնակավայրեր մուտք գործել մայիսի 6-ի առավոտյան:

Տեսանյութն՝ այստեղ։