Արգենտինայի դատարանի նկուղում նացիստական նյութեր են հայտնաբերվել (ֆոտոշարք)
Արգենտինայի Գերագույն դատարանի նկուղում վերջերս հայտնաբերել են Երկրորդ համաշխարհային պատերազմի ժամանակ առգրավված նացիստական նյութերով 83 արկղ։
Պարզվել է, որ 1941թ.-ին արկղերը Գերմանիայի դեսպանատունը Ճապոնիայից ուղարկել է Արգենտինա։ Չնայած այն ժամանակ գերմանացի դիվանագետները պնդել են, թե դրանք անձնական իրեր են, պատահականորեն բացված արկղերում հայտնաբերվել են նացիստական բացիկներ, լուսանկարներ, քարոզչական նյութեր և նոթատետրեր։
Արկղերը հայտնաբերվել են դատարանի թանգարանի նախապատրաստական աշխատանքների ընթացքում։ Դրանք այժմ պահվում են հատուկ պահպանման պայմաններում, իսկ դրանց ուսումնասիրությամբ կզբաղվեն Հոլոքոստի թանգարանի մասնագետները։
Նախաձեռնության նպատակը նացիստական գործունեության և ֆինանսավորման ցանցերի հնարավոր հետքեր բացահայտելն է։
