ՌԴ-ն և Ուկրաինան անմիջապես կսկսեն բանակցություններ՝ դադարեցնելու պատերազմը. Թրամփ
ԱՄՆ նախագահ Դոնալդ Թրամփը դրական է գնահատում Վլադիմիր Պուտինի հետ ունեցած հեռախոսազրույցը. այս մասին նա գրել է Truth Social սոցցանի իր էջում:
«Հենց նոր ավարտեցի երկժամյա զրույցը Ռուսաստանի նախագահ Վլադիմիր Պուտինի հետ. կարծում եմ, որ այն շատ լավ անցավ։ Ռուսաստանը և Ուկրաինան անմիջապես կսկսեն բանակցություններ հրադադարի և, ինչն ավելի կարևոր է, պատերազմի ավարտի ուղղությամբ», – գրել է նա:
Որպես բանակցություններն անցկացնելու հնարավոր վայր ԱՄՆ նախագահը նշել է Վատիկանը՝ հավելելով, որ Հռոմի պապը շատ շահագրգռված կլիներ հյուրընկալել բանակցությունները։
Թրափը նաև հայտնել է, որ Պուտինի հետ զրույցից հետո կապ է հաստատել եվրոպական մի շարք պետությունների առաջնորդների հետ:
