Մենք ՀՀ-ի հետ լայնածավալ օրակարգ ունենք բոլոր ուղղություններով ոչ միայն քննարկման համար, այլև կոնկրետ, պրագմատիկ աշխատանքի․ Զախարովա
ՌԴ ԱԳՆ ներկայացուցիչ Մարիա Զախարովան ճեպազրույցի ժամանակ, մեկնաբանելով ՀՀ–ում Վլադիմիր Պուտինի հասցեին վիրավորանքներ պարունակող պաստառների բարձրացումը, նշել է, որ ՀՀ–ում ԱՄՆ դեսպանատանն աշխատում է 2000 հոգի։ «Երևի նրանցից ոմանք դեռ չեն հասկացել, որ պետք է զբաղվեն ռուս–ամերիկյան հարաբերությունների բարելավմամբ, այլ ոչ թե՝ ռուս–հայկականի վատթարացմամբ», – նշել է Զախարովան և հավելել, որ «գուցե ՀՀ–ում դեռ ինչ–որ մեկի մոտ չի վերաջացել գումարը, որը փոխանցվել է է UNICEF –ի կողմից, որը նման ծրագրերով էր զբաղված»։
«Մենք ՀՀ–ի հետ լայնածավալ օրակարգ ունենք բոլոր ուղղություններով ոչ միայն քննարկման համար, այլև կոնկրետ, պրագմատիկ աշխատանքի։ Այն որ փքրամասնությունից շատերին դա դուր չի գալիս, մենք նույնպես գիտենք։ Այնպես որ՝ կենտրոնանում ենք դրական օրակարգի վրա։ Իսկ այդ ամենը վճարված է, խթանված է և մշակված է աշխարհի շատ ծայրերում», – նշել է Զախարովան։
