Լավրովը Թուրքիայի արտգործնախարարի հետ կքննարկի Ուկրաինայի հարցը
Ռուսաստանի արտաքին գործերի նախարար Սերգեյ Լավրովը մայիսի 25-27-ը Մոսկվայում աշխատանքային այցով գտնվող իր թուրք գործընկեր Հաքան Ֆիդանի հետ հանդիպման ժամանակ կքննարկի Ուկրաինայում ստեղծված իրավիճակի կարգավորման հարցերը և ճգնաժամի հիմնական պատճառները․ լրագրողներին հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք, իհարկե, ունենք երկկողմ օրակարգ, և, իհարկե, տարածաշրջանում և ամբողջ աշխարհում տիրող իրավիճակի։ Մենք Թուրքիայի հետ քննարկելու բան ունենք այս բոլոր ուղղություններով։ Իհարկե, առանց Ուկրաինայի շուրջ ստեղծված իրավիճակի, ես նույնիսկ չեմ հիշում, թե ինչ բանակցություններ է վարել արտգործնախարար Լավրովը. ամեն անգամ այս թեման բարձրացվում է ցանկացած գործընկերոջ հետ, ընդ որում՝ խորությամբ և ներկա իրավիճակի արմատական պատճառների ուսումնասիրությամբ», – նշել է դիվանագետը։
