Իրանը լուրջ սպառնալիք է Իսրայելի համար․Նեթանյահու

Իսրայելի վարչապետ Բենիամին Նեթանյահուն մամուլի ասուլիսի ժամանակ հայտարարել է, թե Իրանը լուրջ սպառնալիք է Իսրայելի համար։ Նրա խոսքով՝ Իսրայելը «մշտապես համակարգում է իր գործողությունները Միացյալ Նահանգների հետ իրանական սպառնալիքի վերաբերյալ»։

Նեթանյահուն նաև հույս է հայտնել, որ Վաշինգտոնը կկարողանա համաձայնության գալ և կանխել Իրանին միջուկային զենքի ձեռքբերումը՝ թույլ չտալով նրան հարստացնել ուրան։

Ավելի վաղ Axios պորտալը, հղում անելով աղբյուրներին, հայտնել էր, որ Իսրայելի բանակը պատրաստվում է արագ հարված հասցնել Իրանի միջուկային օբյեկտներին, եթե Վաշինգտոնի և Թեհրանի միջև բանակցությունները ձախողվեն: