ՌԴ-ն և Ուկրաինան գերիների փոխանակում են արել

Այսօր ևս 303 ռուս զինծառայողներ վերադարձվել են Ուկրաինայից. հայտնում է ՌԴ ՊՆ-ն։

Ուկրաինայի ԶՈւ 303 ռազմագերիներն իրենց հերթին փոխանցվեցին Կիևին։

Այս պահին ռուս զինծառայողները գտնվում են Բելառուսի տարածքում, որտեղ նրանք ստանում են անհրաժեշտ հոգեբանական և բժշկական օգնություն։

Նշենք, որ մայիսի 16-ին Ստամբուլում ձեռքբերված ռուս-ուկրաինական պայմանավորվածությունների համաձայն՝ մայիսի 23-ից 25-ը կողմերը փոխանակում իրականացրեցին  «1000-ը 1000 մարդու դիմաց» բանաձևով։