Հայաստանի վարչապետի կոչերը դիտարկում ենք որպես ուղիղ հարձակում Մայր Աթոռի վրա․ Շվեյցարիայի հայոց թեմ
Հայ Առաքելական Սուրբ Եկեղեցու Շվեյցարիայի թեմն իր զորակցությունն է հայտնում Մայր Աթոռին և Ամենայն Հայոց Կաթողիկոսին․
«Հանուն Շվեյցարիայի հայոց թեﬕ և նրա համայն հավատացյալ անդաﬓեի և բոլոր միությունների և հիﬓարկների՝ Հայրենի իշխանությունների ուշադրությանն ենք հանձնում, որ Աﬔնայն Հայոց Կաթողիկոսը՝ որպես ազգային ﬕասնության խորհրդանիշ, ի հարկի իրավունք ունի արձագանքելու համազգային նշանակության որևէ իրադարձության և մասնակից լինելու հայ ժողովրդի և պետականության առա ծանրացած լուրջ մարտահրավերների հաղթահարման գործընթացներին։
Իսկ Կաթողիկոսի ընտրությունը տեղի է ունենում ազգային հատուկ եկեղեցական ժողովի ժամանակ, մասնակցությամբ Հայաստանի և սփյուռքի մեջ գործող բոլոր թեﬔրի աշխարհական և եկեղեցական պատվիրակների։
Այսինքն՝ Աﬔնայն Հայոց Հայրապետի ընտրությունը չի կատարվում ﬕայն Հայաստանի քաղաքացիների կամ տեղական իշխանության ﬕջամտությամբ, որովհետև ընտրական գործընթացին մասնակցում են Հայաստանի և սփյուռքի բոլոր հայոց թեﬔրի ներկայացուցիչները՝ հոգևորականներ, ու աշխարհականներ, որը նշանակում է, որ հայոց սփյուռքը ունի բացառիկ դեր ու մասնակցություն։
Այս հանգամանքով էլ Վեհափառ Հայրապետը Հայաստանի և սփյուռքի մեջ ապրող հայ ժողովրդի Հայրապետն ու հոգևոր պետն է։ Հետևաբար, ՀՀ վարչապետի ﬕանձնյա կամ քաղաքական շահերից բխող պահանջը ՝ Կաթողիկոսի հրաժարականի մասին, որևէ իրավական հիմք չունի, իսկ բարոյական տեսակետից՝ անընդունելի է և ﬔրժելի հայության հավատքի և հոգևոր արժանապատվության հասկացությամբ։
Գալով վարչապետի՝ Վեհարանը ազատելու մասին կոչին, սա ևս անօրինական է և հարձակում համայն հայության հոգևոր կենտրոնի վրա։ Վեհարանը և Սուրբ Էջﬕածինը, ոչ ﬕայն վարչական կառույցներ են և Սրբավայրեր, այլև ﬔր ժողովուրդի խիղճն են, որտեղ պահվում են ﬔր ազգային ու եկեղեցական սրբազան ու նվիրական ժառանգությունները։
Մենք՝ որպես Շվեյցարիայի թեմի հավատավոր անդաﬓեր և ժողովրդի ներկայացուցիչներ, խստորեն դատապարտում ենք վարչապետի այս կոչերը և դրանք դիտարկում ենք որպես ﬕջամտություն եկեղեցական գործերին և ուղիղ հարձակում ﬔր հոգևոր կենտրոն Մայր Աթոռ Սուրբ Էջﬕածնի վրա:
Մենք զգուշացնում ենք, որ նման քայլերը կարող են անդառնալի հետևանքներ ունենալ հասարակական հաﬔրաշխության և ﬔր ազգային ﬕասնության վրա։
ՀՀ իշխանությունների կողմից այս հակաեկեղեցական ու ապազգային գործընթացները չդադարեցնելու պարագայում ﬔնք սփյուռքի մեջ կձեռնարկենք համապատասխան գործողություններ:
Աստված պահապան և զորավիգ լինի ﬔր Աստվածակառույց Սուրբ Եկեղեցուն, ﬔր ժողովրդին և Հայոց Պետականությանը։
Տ. Գուսան Ծ. Վարդապետ Ալճանեան
Շվեյցարիոյ թեմ Առաջնորդական Տեղապահ
Շվեյցարիոյ Հայոց Թեմ գործադիր խորհուրդ
Շվեյցարիոյ մէջ գործող Ազգային Միութիւներ եւ հիﬓարկներ»։
