Նեթանյահուն կոչ է արել Իրանի ժողովրդին ապստամբել իշխանության դեմ
Իսրայելի վարչապետ Բենիամին Նեթանյահուն տեսաուղերձ է հղելել Իրանի ժողովրդին. փոխանցում է TACC-ը:
Նա հայտարարել է, որ իր երկիրը իրանցիներին թշնամիներ չի համարում և կոչ է արել նրանց ապստամբել Իսլամական Հանրապետության իշխանությունների դեմ։
«Իսլամական ռեժիմը, որը ձեզ ճնշել է գրեթե 50 տարի, սպառնում է ոչնչացնել մեր երկիրը՝ Իսրայել պետությունը։ Իսրայելի գործողության նպատակն է վերացնել իսլամական ռեժիմի միջուկային և հրթիռային սպառնալիքը։ Մեր նպատակին հասնելու ուղղությամբ շարժվելով՝ մենք նաև մաքրում ենք ձեր ճանապարհը դեպի ազատություն», – ասել է նա։
Նեթանյահուի խոսքով՝ Իսրայելի կողմից Իրանին հարվածներից հետո Իսլամական Հանրապետության իշխանությունները ավելի թույլ են, քան երբևէ։
«Սա ձեր հնարավորությունն է ոտքի կանգնելու և ձեր ձայնը լսելի դարձնելու. ժամանակն է, որ Իրանի ժողովուրդը միավորվի իր դրոշի և պատմական ժառանգության շուրջ՝ պաշտպանելու ազատությունը ճնշողների չար ռեժիմից», – հավելել է նա։
