Սիրիան փորձում է միջնորդավորված բանակցել Իսրայելի հետ՝ դադարեցնելու հարձակումները երկրի վրա
Սիրիայի իշխանությունները փորձում են միջնորդների միջոցով դադարեցնել Իսրայելի հարձակումները երկրի տարածքի վրա. փոխանցում է TACC գործակալությունը՝ հղում անելով սիրիական լրատվամիջոցներին:
Դրա մասին վկայում է Սիրիայի ժամանակավոր նախագահ Ահմեդ ալ-Շարաայի հայտարարությունը․
«Մենք ձգտում ենք դադարեցնել Իսրայելի հարձակումները անուղղակի բանակցությունների միջոցով», – ասել է ալ-Շարաան՝ ըստ նախագահի գրասենյակի` X-ում հրապարակված հայտարարության։
Ինչպես հաղորդում է «Սիրիա» հեռուստաընկերությունը, հանրապետության ժամանակավոր նախագահ Ահմեդ ալ-Շարաայի հայտարարությունը նրա առաջին հաստատումն էր, որ Դամասկոսը անուղղակի բանակցություններ է վարում Իսրայելի հետ:
