Բաքուն նորից ընտրեց Թուրքիային
Ադրբեջանի դեսպանը Ռուսաստանի արտգործնախարարություն է կանչվել. Ռահամ Մուստաֆաևի հետ հանդիպումը տևել է շուրջ 1 ժամ։ Մոսկվայի պաշտոնական մեկնաբանությամբ՝ դիվանագետը նախարարություն է կանչվել Բաքվի անբարյացակամ գործողությունների և ռուսաստանցի լրագրողների անօրինական ձերբակալության համար։
«Սպուտնիկ Ադրբեջան» լրատվականից երկու աշխատակցի են ձերբակալել՝ նրանց որպես «գործակալներ» ներկայացնելով։ Մինչ այդ՝ Ռուսաստանում ադրբեջանցիների էին ձերբակալել։ Պեսկովը շտապել է հայտարարել․ ՌԴ-ում ադրբեջանցիների հետ կապված վերջին իրադարձությունները չպետք է դեմարշների պատճառ դառնան։
