Այսօր սահմանադրությունը բռնաբարված է, նսեմացված և օտարների թելադրանքով նաև փոփոխման ենթակա․ Դավիթ Շահնազարյան
Վարդենիսի ավագանու անդամ, «Միասնական Վարդենիս» դաշինքի անդամ Դավիթ Շահնազարյանը գրում է․
«Այսօր ՀՀ Սահմանադրության օրն է, հոբելյանական տարեդարձ, որ տոնական լինելուց զատ նաև հպարտության և ցնծության զգացմունք պետք է առաջացնի յուրաքանչյուր գիտակից հայ մարդու մոտ ։Ինձ մոտ ըստ էության այն պետք է եռապատկված լիներ, քանի որ մասնակցելով առաջին սահմանադրության քարոզարշավին, չնայած իմ որոշ անհամաձայնություններին, այն պատմական և օբյեկտիվ անհրաժեշտություն եմ համարել՝ յուրաքանչյուր պետություն պետք է ունենա Մայր օրենքի հիման վրա կառուցված օրենսդրական բազա։
Իսկ այսօր սահմանադրությունը բռնաբարված է, նսեմացված և օտարների թելադրանքով նաև փոփոխման ենթակա։ Սուբյեկտիվ կարծիքս այն է, որ սահմանադրական ականը դրվեց այն ժամանակ, երբ մենք նախագահական կառավարումից անցանք խորհրդարանական կառավարման։Առնվազն գոնե մեր ազգային մենթալիտետը հուշում է,որ մենք միշտ փայլել ենք անհատականություններով, անգամ սպորտում մենք փայլում ենք անհատական մարզաձևերում։ Մեր չկայացած կուսակցություններով պետք չէր կուսակցական համակարգ, այն դեպքում,երբ այդ կուսակցությունները մեծամասամբ մարդ-կուսակցություններ են։ Հետևաբար անհրաժեշտ է վերադարձ նախագահական կառավարման»։
