Խուզարկություններ ՀԷՑ-ում և Նարեկ Կարապետյանի տանը․ ի՞նչ է հայտնաբերվել

Նկարների կրիչ, երկու գլխարկ, և այֆոն գնելու համար նախատեսված գումար․ գործարար Սամվել Կարապետյանի եղբորորդին՝ Նարեկ Կարապետյանն ասում է՝ սա այն ամենն է, ինչը քննիչներն առգրավել են իր բնակարանից։

Վաղ առավոտյան իրավապահները խուզարկություններ էին սկսել նաև Հայաստանի էլեկտրական ցանցերի գլխավոր գրասենյակում։ Ավելի ուշ Քննչական կոմիտեն տեղեկացրել էր, որ միաժամանակ խուզարկություններ են 51 հասցեում։ Ըստ կոմիտեի՝ ընկերությունները մեղադրվում են խոշոր չափի գումարի հափշտակման, շորթման և հարկերից խուսափելու համար։