Միացյալ Նահանգները պատրաստվում է ավելի շատ զենք մատակարարել Ուկրաինա
Միացյալ Նահանգները ավելի շատ զենք կուղարկի Ուկրաինա. հայտարարել է Դոնալդ Թրամփը:
«Մենք պատրաստվում ենք զենքի լրացուցիչ խմբաքանակ ուղարկել. մենք պետք է անենք դա, որպեսզի նրանք կարողանան պաշտպանվել», – Սպիտակ տանը լրագրողներին ասաց ԱՄՆ նախագահը:
Միացյալ Նահանգների պաշտպանության նախարարությունը ավելի ուշ հայտնեց, որ Թրամփի հրահանգով Ուկրաինա կուղարկեն առավելապես պաշտպանական բնույթի զինատեսակներ:
ԱՄՆ նախագահը նաև սպառնացել է պատժամիջոցներ կիրառել ՌԴ-ի նկատմամբ՝ նշելով, որ այդ հարցի վերաբերյալ Կոնգրեսում քննարկվող նախագծի ընդունումը կախված է իր որոշումից:
