ԱՄՆ Ներկայացուցիչների պալատը հաստատել է Թրամփի՝ արտաքին օգնության ֆինանսավորման կրճատման փաթեթը

ԱՄՆ Ներկայացուցիչների պալատը ընդունել է նախագահ Դոնալդ Թրամփի կողմից հանրային լրատվամիջոցներին և օտարերկրյա օգնությանը տրամադրվող 9 միլիարդ դոլարի ֆինանսավորումը կրճատելու մասին որոշումը և այն ուղարկել է Սպիտակ տուն՝ օրենքի ուժ ստանալու համար․ գրում է Reuters գործակալությունը։ 

Ներկայացուցիչների պալատը 216 կողմ, 213 դեմ ձայներով քվեարկել է ֆինանսավորման կրճատման փաթեթի օգտին։

«Մենք մեկ փոքր քայլ ենք անում դեպի անօգուտ ծախսերի կրճատում, բայց մեկ հսկայական ցատկ ենք կատարում դեպի ֆինանսական ողջամտություն», – նշել է Ֆլորիդայի հանրապետական ներկայացուցիչ Աարոն Բինը։