Մհեր Գրիգորյանը և Իրանի դեսպան Մեհդի Սոբհանին քննարկել են տարածաշրջանի հաղորդակցությունների ապաշրջափակման հեռանկարները

ՀՀ փոխվարչապետ Մհեր Գրիգորյանն ընդունել է Հայաստանի Հանրապետությունում Իրանի Իսլամական Հանրապետության դեսպան Մեհդի Սոբհանիին. հայտնում է «Արմենպրես»-ը:

Զրուցակիցները քննարկել են տարածաշրջանային վերջին զարգացումները։

Երկուստեք կարևորվել է տարածաշրջանում երկարատև խաղաղության և կայունության հաստատման անհրաժեշտությունը: Մտքեր են փոխանակվել տարածաշրջանի հաղորդակցությունների ապաշրջափակման հեռանկարների շուրջ: