Մեծ Բրիտանիան, Ֆրանսիան և Գերմանիան կոչ են արել Իսրայելին թույլատրել հումանիտար օգնության մուտքը Գազա
«Եվրաեռյակի» երկրները՝ Մեծ Բրիտանիան, Ֆրանսիան և Գերմանիան, համատեղ հայտարարություն են տարածել՝ կոչ անելով կողմերին դադարեցնել ռազմական գործողությունները Գազայի հատվածում:
«Ժամանակն է ավարտել պատերազմը Գազայում»,- նշվում է հայտարարության մեջ:
Եվրոպական երկրները կոչ են անում Իսրայելին անհապաղ թույլատրել ՄԱԿ-ին և մարդասիրական ոչ կառավարական կազմակերպություններին ձեռնարկել միջոցառումներ սովի դեմ պայքարի համար՝ ընդգծելով, որ Իսրայելը պետք է կատարի միջազգային մարդասիրական իրավունքի շրջանակներում ստանձնած իր պարտավորությունները:
«Քաղաքացիական բնակչության ամենահիմնական կարիքները, այդ թվում՝ ջրի և սննդի հասանելիությունը, պետք է բավարարվեն առանց որևէ հետագա հետաձգման», – ասվում է հայտարարության մեջ։
«Եվրաեռյակի» երկրները նաև ընդգծել են ՀԱՄԱՍ խմբավորման զինաթափման անհրաժեշտությունը:
