Մեր ընդհանուր դիրքորոշումը գործընկերների հետ լիովին հստակ է․ պատերազմը պետք է ավարտվի․ Թրամփն ու Զելենսկին հեռախոսազրույց են ունեցել
Սումիի մարզ վերադառնալու ճանապարհին զրուցեցի նախագահ Թրամփի հետ։ Այս զրույցը կայացավ այն բանից հետո, երբ նախագահ Թրամփի ներկայացուցիչ Ստիվեն Ուիթքոֆը այցելեց Մոսկվա․ տելեգրամյան ալիքի միջոցով տեղեկացրել է Ուկրաինայի նախագահ Վլադիմիր Զելենսկին։
«Մեր ընդհանուր դիրքորոշումը գործընկերների հետ լիովին հստակ է․ պատերազմը պետք է ավարտվի։ Եվ դա պետք է լինի արդար ավարտ։ Զրույցին մասնակցեցին նաև եվրոպական առաջնորդները, և ես շնորհակալ եմ նրանցից յուրաքանչյուրին աջակցության համար։ Մենք քննարկեցինք այն, ինչ բարձրաձայնվել էր Մոսկվայում։
Ուկրաինան անպայման կպաշտպանի իր անկախությունը։ Մեզ բոլորիս անհրաժեշտ է երկարատև և հուսալի խաղաղություն։ Ռուսաստանը պետք է ավարտի այն պատերազմը, որը հենց ինքն էլ սկսել է։ Շնորհակալություն բոլորին, ովքեր աջակցում են Ուկրաինային», – գրել է Ուկրաինայի նախագահը։
