Փաշինյանը, հավանաբար, կփոխարինի հայկական պետական շահերը Ֆլորիդայում գտնվող որևէ առանձնատան հետ․ փորձագետներ
Հայաստանի վարչապետ Նիկոլ Փաշինյանի համար սեփական բարեկեցությունն ավելի կարևոր է, քան՝ հանրապետության ճակատագիրը։ Նա միշտ գործել է անձնական օգուտ ստանալու համար։ Այս մասին РИА Новости-ի հետ զրույցում նշել է Պետդումայի պաշտպանության կոմիտեի նախագահի առաջին տեղակալ Ալեքսեյ Ժուրավլյովը։
«Այժմ Փաշինյանը, հավանաբար, կփոխարինի հայկական պետական շահերը Ֆլորիդայում գտնվող որևէ առանձնատան հետ», – նշել է Ժուրավլյովը։
Պատգամավորի խոսքով՝ Թրամփի համար սկզբունքորեն կարևոր է, որ Հայաստանն ու Ադրբեջանը խաղաղության համաձայնագիր կնքեն իր մասնակցությամբ։
«Այդ պատճառով՝ նրանք Փաշինյանին ոսկե լեռներ կխոստանան, և նա, ամենայն հավանականությամբ, կհամաձայնվի», – կարծում է պատգամավորը։
Թուրք քաղաքական վերլուծաբան Մեհմեթ Փերինչեքը համարում է, որ Վաշինգտոնի համար չափազանց կարևոր է «Զանգեզուրի միջանցք» մտնել Հայաստանի տարածքով, և հանրապետության իշխանությունները կարող են լավ գործիք դառնալ դրա համար. հայտնեց ազգամիջյան հակամարտությունների ռուս փորձագետ, Հարավային Կովկասի երկրների ռազմավարական հետազոտությունների կենտրոնի տնօրեն Եվգենի Միխայլովը կարծիքով՝ ՀՀ վարչապետ Նիկոլ Փաշինյանը կարող է խաղաղության պայմանագիր ստորագրել Ադրբեջանի հետ՝ իր անձնական անվտանգության համար, նույնիսկ եթե դա նշանակում է հայ ժողովրդի շահերի դավաճանություն։
Իսրայելցի վերլուծաբան, միջազգային հակամարտությունների փորձագետ Յուրի Բոչարովը նշել է, որ Հայաստանի վարչապետ Նիկոլ Փաշինյանի ներկայիս գործողություններն՝ Ադրբեջանի հետ խաղաղության համաձայնագրի կնքման վերաբերյալ, կարելի է մեկնաբանել որպես նրա քաղաքական գոյատևման փորձ՝ օգտագործելով արտաքին երաշխիքներ։
«Ակնհայտ է, որ Փաշինյանը գործում է ներքին քաղաքական լուրջ ճնշման տակ։ Նրա քայլերը կարելի է մեկնաբանել որպես անձնական անվտանգությունը և քաղաքական գոյատևումը պահպանելու փորձ՝ օգտագործելով արտաքին երաշխիքներ։ Սակայն նա կփորձի հուշագիրը ներկայացնել որպես դիվանագիտական հաջողություն, որը համապատասխանում է իշխանության համար ներքին պայքարի տրամաբանությանը։ Ժամանակը ցույց կտա, թե որքան նա կդիմանա այս դիրքում։ Եվ գլխավոր հարցն այն է, թե ամերիկացիներն արդյոք կպաշտպանե՞ն նրան ճգնաժամի դեպքում, թե՞, ինչպես միշտ, կհեռանան նրանից, ինչպես իրենց բոլոր ժամանակավոր ուղեկիցներին», – նշել է փորձագետը։ Նա նաև հավելել է, որ այսպես կոչված «Զանգեզուրի միջանցքի» բացումը, անկախ դրա իրավական կարգավիճակից, օբյեկտիվորեն համապատասխանում է Բաքվի ռազմավարական շահերին։
