ՀԱՄԱՍ-ը պատրաստակամություն է հայտնել բանակցելու Իսրայելի հետ
Պաղեստինյան ՀԱՄԱՍ խմբավորումը հաստատել է իր պատրաստակամությունը ձեռնարկելու քայլեր՝ Իսրայելի հետ հրադադարի համաձայնագրի հասնելու համար. ասվում է շարժման հրապարակած հայտարարության մեջ:
«Մենք վերահաստատում ենք, որ եգիպտացի և կատարցի միջնորդների հետ մեր փոխգործակցության ընթացքում շարժումը ցուցաբերել է անհրաժեշտ ողջ ճկունությունը և դրական վերաբերմունքը՝ հրադադարի հասնելու համար, ուստի մենք կշարունակենք գործադրել բոլոր ջանքերը՝ հարթելու համաձայնագրին հասնելու ճանապարհը», – նշված է տեքստում։
Նշենք, որ այսօր հայտնի է դարձել Գազան բռնազավթելու և ՀԱՄԱՍ խմբավորման լիակատար ոչնչացմանը հասնելու վերաբերյալ Իսրայելի ռազմաքաղաքական ղեկավարության որոշման մասին:
