Պուտինն ու Թրամփը կհանդիպեն օգոստոսի 15-ին Ալյասկայում
Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպումը տեղի կունենա օգոստոսի 15-ին Ալյասկայում. հայտարարել է ՌԴ նախագահի օգնական Յուրի Ուշակովը:
«Ամերիկյան կողմը հենց նոր հայտարարեց օգոստոսի 15-ին՝ ուրբաթ, Ալյասկայում Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպումը կազմակերպելու համաձայնության մասին։ Ռուսաստանը և ԱՄՆ-ն մոտ հարևաններ են, սահմանակից միմյանց, և բավականին տրամաբանական է թվում, որ մեր պատվիրակությունը պարզապես թռչի Բերինգի նեղուցով, իսկ երկու երկրների առաջնորդների՝ այդքան կարևոր և սպասված գագաթնաժողովը տեղի ունենա Ալյասկայում», – ասել է Կրեմլի ներկայացուցիչը։
Ուշակովի խոսքով՝ նախագահները կկենտրոնանան ուկրաինական ճգնաժամի երկարաժամկետ խաղաղ կարգավորման տարբերակների քննարկման վրա։
Նա նշել է, որ հաջորդ հանդիպումը կարող է տեղի ունենալ Ռուսաստանում, և իրենք արդեն հրավիրել են Թրամփին այցելելու ՌԴ:
