Բայրամովը և Ֆիդանը հեռախոսով քննարկել են Վաշինգտոնում ստորագրված փաստաթղթերը
Ադրբեջանի արտաքին գործերի նախարար Ջեյհուն Բայրամովը և Թուրքիայի արտաքին գործերի նախարար Հաքան Ֆիդանը խոսել են հեռախոսով. հայտնում է Ադրբեջանի ԱԳՆ-ն:
Ըստ պաշտոնական հաղորդագրության՝ Թուրքիայի արտգործնախարարը շնորհավորել է Ադրբեջանին Վաշինգտոնում ձեռք բերված պայմանավորվածությունների կապակցությամբ։
«Զրուցակիցները ընդգծել են, որ ձեռք բերված պայմանավորվածությունները, նաև ԱՄՆ նախագահի մասնակցությամբ Ադրբեջանի և Հայաստանի ղեկավարների կողմից ստորագրված համատեղ հռչակագիրը, մեծ նշանակություն ունեն տարածաշրջանում խաղաղության և կայունության ապահովման համար։
Նրանք նաև նշել են, որ խաղաղության պայմանագրի նախաստորագրումը և ԵԱՀԿ Մինսկի խմբի և համապատասխան կառույցների լուծարման համատեղ կոչը նշանակալի ներդրում են խաղաղության գործում. նախարարները հույս են հայտնել, որ այդ կառույցները լուծարելու վերաբերյալ ԵԱՀԿ որոշումը կկայացվի մոտ ապագայում», – ասվում է հաղորդագրության մեջ:
Բացի այդ՝ զրույցի ընթացքում կողմերը քննարկվել են Ադրբեջանի և Թուրքիայի միջև հարաբերություններին առնչվող հարցեր, նաև համագործակցությունը տարածաշրջանային և միջազգային կազմակերպությունների շրջանակներում։
