Թրամփը և Պուտինը Ալյասկայում համաձայնության են եկել Ուկրաինայի անվտանգության երաշխիքների վերաբերյալ. Ուիթքոֆ
CNN հեռուստաալիքի եթերում Սթիվ Ուիթքոֆը հայտնել է զգալի առաջընթացի մասին ուկրաինական ճգնաժամի կարգավորման շուրջ.
«Մենք համաձայնության ենք եկել լուրջ անվտանգության երաշխիքների շուրջ, որոնք ես կբնութագրեի որպես խաղի կանոնները փոխող», – ասել է նա:
Նրա խոսքով՝ նախատեսվում է ամրագրել Ռուսաստանի պարտավորությունը չներխուժելու այլ եվրոպական երկրներ և չխախտելու նրանց ինքնիշխանությունը:
Ուիթքոֆը նշել է, որ Մոսկվան զիջումների է գնացել Ուկրաինայի 5 մարզերի հարցում. այս հարցը քննարկման առարկա կդառնա վաղը կայանալիք Թրամփ-Զելենսկի հանդիպմանը:
Անդրադառնալով հնարավոր հրադադարին՝ նա ասել է, որ այն անիմաստ է, քանի որ կողմերն աշխատում են վերջնական խաղաղության հաստատման ուղղությամբ:
